Dünýä taryhy (XX-XXI asyrlar. III bölek. 2000-2014 ýý.)

Aşgabat: Türkmen döwlet neşirýat gullugy, 2014. — 224 sah.Şu gün toparymyzda ilkinji gezek, orta mekdepleriň 11-nji synplary üçin niýetlenen Dünýä taryhy kitabyny hödürleýäris. Bu taryh kitaby iň ýakyn ýyllary , ýagny 2000-2014-nji ýyllary öz içine alýar, şeýlelik bilen siz bu taryh kitabynda geçen ýyllardaky dünýäniň taryha giren wakalaryny türkmen dilinde okamaga mümkinçilik alarsyňyz.
Adamzat XXI asyra uly umytlar bilen gadam basdy. Ynsan paýhasy hem-de jepakeş zähmeti bilen gazanylan ähli tejribe bu asyrda öňe hereket etmegiň badalgasyna öwrüldi. XX asyryň ahyrynda «Sowuk urşuň» netijesinde ikiulgamyň gapma-garşy durmasynyň mirasy taryhyň gatynda galdy. 70 ýyllap dowam eden totalitar düzgün – SSSR-de sosializm gurmagyň stalinçilik ülňüsi dargady. Onuň zory bilen ösüşiň kommunistik ýoluny «synag» etmeli bolan Gündogar Ýewropa ýurtlary hem tebigy ösüş ýoluna düşdüler. Dünýä kartasynda geosyýasy üýtgeşmeler boldy. Energetika çeşmelerine baý bolan döwletleriň dünýä syýasatyndaky ähmiýeti barha artyp başlady.